Haul
Syekh Jangkung kaping 383 ing Dukuh Landoh, Kayen dipengeti setaun pisan ing
sasi Rajab. Adicara ing dina Selasa 23 Januari 2024 kuwi adicara
katelu saka rantaman adicara Pengetan Haul Syekh Jangkung. Adicara Haul
diwiwiti awit dina rebo tanggal 17 Januari 2024 kanthi adicara Tahtimul Qur’an
Binnadhor. Ing sesuke, kemis 18 Januari dianakake adicara Tahlilan umum
sa-Dusun Kayen, lan ing dina iki, Selasa, digelar adicara Kirab luwur lan
nyadran. Ing dina kapapate, dina Jumat tanggal 26 Januari 2024 bakal dianakake
Tahtimul Quran Bil Ghoib, ing dina kalima, Sabtu tanggal 27 selambu bakal
dibuka lan di lelang, dibacutake Tahtimul Qur’an ing masjid lan uga ana
pengajian umum.
Tri Wijanarko, Camat Kayen sing rawuh ing adicara
njletrehake yen acara iki dadi salah sawijining cara kanggo nglestarekake
budaya kang ana ing tlatah Kayen.
“Pamarentah Kecamatan Kayen nyambut apik adicara Haul
Mbah Syekh Jangkung Landoh. Amarga iki dadi salah sawijining cara kanggo
nglestarekake budaya kang ana ing tlatah Kayen.” Kandhane Wijanarko.
Wijanarko njlentrehake, sabubare kirab bakal ana acara
ngganti utawa salin luwur utawa klambu sing ana ing makam Syekh Jangkung.
“Setaun sepisan luwur saka makame Mbah Jangkung bakal
diganti anyar, banjur sing lawas di lelang” kandhane. Wijanarko duwe pangajab
kirab iki bisa kalaksanan ing taun-taun candhake lan luwih meriah. Sing paling
wigati, bisa nglestarekake budaya kirab iki nganti anak putu mbesuk.
Kapethik saka https://mitrapost.com/2024/01/23/kirab-haul-syekh-jangkung-landoh-ke-383-berlangsung-meriah/2/ kanthi ewah-ewahan
Tidak ada komentar:
Posting Komentar