.jpeg)
Knalpot
brong cacah 4031 asile saka Razia disulap dadi ikon patung bandeng dening
petugas Polresta Pati, Jawa Tengah. Kreasine patung khas Bumi Mina Tani saka
knalpot kaajab bisa menehi inspirasi marang masyarakat supaya bisa leren
anggone padha ngaggo knalpot brong.
Patung
bandeng saka knalpot brong digawe ing sawijining bengkel motor ing wilayah
Dusun Muktiharjo, Kecamatan Margorejo. Satlantas Pati nggandheng warga kasil
nyiptakake patung iwak bandeng sing dhuwure kurang luwih rong meter sing digawe
saka knalpot.
Kasatlantas
Polresta Pati, Kompol Asfauri njlentrehake yen mbutuhake wektu sepuluh dina
kanggo nggawe patung bandeng saka knalpot brong kuwi. Penggaweyan kuwi digarap
rina wengi dilakoni dening wong cacah enem.
.jpeg)
“Tugu
bandeng kuwi minangka ikon anyar Kutha Pati. Dhuwure udakara rong meter lan
dawane 11,5 meter” Kompol Asfauri njlentrehake.
“Knalpot
brong sing digawe patung bandeng kuwi asil saka Razia patang sasi. Dadine saben
ana Razia trek-trekan balap liar, Satlantas kerep nertibake Amarga balap liar
kuwi nglanggar UU Nomor 22 taun 2009”
Patung
bandeng kuwi wis rampung digawe awit dina jumat 12 Januari 2024. Patung iki wis
dipasang ing sakulone alun-alun Pati.
“Ing
pangajab, patung bandeng saka knalpot brong bisa dadi sarana edukasi kanggo
Masyarakat Pati yen knalpot brong kuwi dilarang sasuwene wayah kampanye.
Ewadene Pati kuwi identik karo iwak bandeng, dadi menisan knalpot brong digawe
dadi wujud iwak bandeng” sambunge.
Tidak ada komentar:
Posting Komentar