Dinas
Pendidikan lan Kebudayaan (Disdikbud) Kabupaten Biak Numfor, Papua, aweh
bimbingan teknis (bimtek) parenting marang 200 guru tenaga kependidikan sarta
wong tuwane murid Pendidikan Anak Usia Dini (PAUD) kanggo nyegah stunting ing
wilayah kasebut. Kepala Bidang Pendidikan Nonformal dan PAUD Disdikbud Biak
Endang Suhendi ngajab kanthi kegiyatan bimtek parenting mau wali murid melu
peduli nyegah timbale stunting ana
lingkungan kulawargane.
Miturut
Endang Suhendi lingkungan kulawarga mujudake bageyan awal kang paling wigati
kanggo nyegah stunting marang ngrembakane bocah. “Liwat bimtek parenting iki
wong tuwane murid diajab duweni kawruh sarta tambahan wawasan saka narasumber
ngenani carane nyegah stunting ana lingkungan kulawargane dhewe-dhewe,”
kandhane Endang, Kemis (7/9/2023).
Ending
nemenake menawa wongtuwa bebesan pucuke tumbak kanggo nyegah stunting kang
nemahi kulawargane. Alesane, stunting ana sambung rapete karo kecukupan gizi
marang bocah sarta infeksi berulang. Saengga yen asupan gizine ora digatekake,
temahe bakal mangaribawani ngrembakaning bocah sangisore standar.
Adhedhasar
data, kasus stunting ing Biak Numfor mudhun saka sing maune 34 persen ing 2021,
suda dadi 27,30 persen ing 2022, lan kari 14 persen ing 2023. Cundhuk karo
Peraturan Presiden No. 72 Taun 2021 ngenani Percepatan Penurunan Stunting,
pancegahane ditindakake sacara bebarengan
(holistik), interaktif lan duweni kualitas lumantar koordinasi, sinergi
lan sinkronisasi para pemangku kapentingan.
Kapethik
saka Panjebar Semangat No. 38, 23 September 2023
Tidak ada komentar:
Posting Komentar